Një udhëtim në Përmet është më shumë sesa një udhëtim i zakonshëm, është një përvojë që ndërthur historinë, natyrën dhe adrenalinën në një ditë të paharrueshme. Në prill, bashkë me një grup prej 15 aventurierësh, përjetuam gjithçka që ky qytet i quajtur “Qyteti i Luleve” ka për të ofruar: mikpritje të ngrohtë, shije tradicionale dhe aventura në natyrën e egër të lumit Vjosa.
Udhëtim në Përmet: Zbulimi i qytetit dhe kishës së Leusës
Dita nisi në zemër të Përmetit, mes rrugicave piktoreske dhe një atmosfere mikpritëse. Vizituam Kishën e Leusës, ku afresket dhe arkitektura na çuan pas në kohë, në historinë ortodokse shqiptare.
Shijet e traditës në udhëtimin tonë në Përmet
Pas eksplorimit të qytetit, ishte koha për të shijuar kulinarinë e zonës. Vizituam Shtëpinë e Mjaltit Kastrioti, ku u njohëm me glikon tradicionale dhe likerët artizanalë me mjaltë. Çdo shije ishte një tregim më vete për kulturën dhe pasurinë gastronomike të Përmetit, duke e bërë këtë pjesë të udhëtimit në Përmet veçanërisht të këndshme.
Rafting në Vjosë – Aventurë në fund të udhëtimit
Në fund të ditës, e përmbyllëm udhëtimin në Përmet me rafting në lumin e fundit të egër të Evropës – Vjosën. Ujërat e pastërta dhe natyra përreth krijuan një përvojë të jashtëzakonshme. Me çdo rapid që kalonim, grupi ndiente më shumë adrenalinë dhe emocion përballë peizazheve të jashtëzakonshme që ofron lumi Vjosa.
Pse një udhëtimi në Përmet është gjithmonë ide e shkëlqyer?
Ky qytet është një kombinim i përkryer mes traditës dhe aventurës. Në vetëm një ditë, udhëtimi në Përmet na ofroi histori të pasur, shije autentike dhe natyrë të paprekur. Nga kishat e lashta te shëtitjet në qytet dhe emocionet në lumin Vjosa, Përmeti është ideal për të zbuluar thelbin e Shqipërisë. Një destinacion që nuk duhet humbur për aventurierët dhe adhuruesit e kulturës.
Nëse ju ka pëlqyer të zbuloni Përmetin, nuk duhet të humbisni një tjetër destinacion mahnitës. Shikoni Udhëzuesin tonë për Udhëtimin në Nivicë – Dy Ditë në Zemrën e Egër të Shqipërisë për të eksploruar kanione dramatike, natyrë të paprekur dhe trashëgimi të pasur kulturore në zemër të Kurveleshit.
