Kantinat e verës në Shqipëri po fitojnë gjithnjë e më shumë vëmendje nga udhëtarët që kërkojnë përvoja autentike, larg itinerarëve të zakonshëm turistikë. Ky vend mesdhetar, i bekuar me natyrë të paprekur, klimë të favorshme dhe traditë mikpritjeje, ofron jo vetëm verëra cilësore, por edhe histori të rralla që shijohen në çdo gotë.
Në këtë artikull do t’ju çojmë në një udhëtim mes 10 kantinave më të veçanta të vendit, nga bunkerët e Durrësit, te kodrat e Beratit e deri në veriun e thellë të Lezhës. Kudo që ndaloni, do të ndjeni shijen e Shqipërisë së vërtetë.
Si funksionojnë vizitat në kantinat shqiptare?
Vizitat në kantinat shqiptare nuk janë thjesht një shëtitje mes vreshtave apo një provë verërash, janë përvoja që ju lidhin me tokën, njerëzit dhe traditën. Shumica e kantinave ofrojnë ture të strukturuara që përfshijnë prezantimin e historisë së kantinës, një shëtitje në ambientet e prodhimit, degustime të verërave më të mira dhe shpesh, ushqime tradicionale të zonës. Përvoja zgjat zakonisht 1–2 orë, por mund të zgjerohet në një ditë të plotë nëse kombinoni edhe një drekë në restorantin e kantinës apo akomodim në bujtinë.
Këshilla praktike për ju:
- 📞 Kontaktoni direkt kantinën për informacion të përditësuar rreth orareve, çmimeve dhe ofertave sezonale.
- 📅 Rezervoni paraprakisht, sidomos gjatë fundjavave ose sezonit të verës.
- 🚗 Përdorni transport privat ose kërkoni një tur operator lokal, disa kantina ndodhen në zona rurale apo kodrinore.
- 🕰️ Planifikoni kohën, shumica e tureve zgjasin 1–2 orë, por disa ofrojnë përvoja ditore me ushqim dhe akomodim.
- 🌍 Kontrolloni gjuhët e ofruara, anglishtja është e zakonshme, ndërsa në disa raste ofrohet edhe italishtja.
1. Kantina Abaia
📍 Vendndodhja: Në Google Maps
📞 Telefoni: +355 68 890 0160
📸 Instagram: @abaia_winery
🕒 Orari: Me rezervim të paraprak
🪑 Opsione shërbimi: Degustim brenda bunkerëve · Restorant i vogël dhe intim
E përshtatshme për: Adhuruesit e verës që kërkojnë një ambient unik me histori
E ndërtuar brenda dy bunkerëve të epokës komuniste, Kantina Abaia është një përvojë ndryshe nga çdo kantinë tjetër në Shqipëri. Verërat e saj, të bardha, të kuqe dhe rosé, shijohen në një ambient të pazakontë, ku historia dhe krijimtaria bashkohen. Restoranti i vogël i kantinës ofron gatime tradicionale që shoqërojnë në mënyrë perfekte verërat e shtëpisë.
Vizitorët e pëlqejnë për atmosferën ndryshe, kombinimin mes të kaluarës dhe të tashmes, si dhe afërsinë me Durrësin dhe Tiranën. Një eksperiencë autentike për ata që duan diçka jashtë klisheve turistike.
🍷 Mos e humbisni: Përjetimin unik të verës në ambientet e transformuara të bunkerëve dhe një gotë verë të bardhë të ftohtë, një udhëtim në kohë, por me shumë më tepër shije.
2. Kantina Alpeta
📍 Vendndodhja: Në Google Maps
📞 Telefoni:+ 355 68 608 9293
📸 Instagram: @alpeta_agroturizem
🕒 Orari: Me rezervim të paraprak
🪑 Opsione shërbimi: Degustim · Restorant tradicional · Akomodim në bujtinë
E përshtatshme për: Adhuruesit e natyrës, ushqimit bio dhe eksperiencave familjare
E vendosur në fshatin piktoresk Roshnik, vetëm 10 km larg Beratit, Kantina Alpeta është një shembull i shkëlqyer i agroturizmit shqiptar. Nën kujdesin e familjes Fiska, kjo kantinë shërben verëra të prodhuara nga vreshtat e saj, shoqëruar me ushqim organik në restorantin familjar. Për vizitorët që duan të ndalen më gjatë, bujtina e ngrohtë ofron një eksperiencë mikpritjeje të plotë.
Vizitorët mund të shëtisin nëpër vreshta, të mësojnë për procesin e prodhimit të verës dhe të shijojnë degustime të shoqëruara me gatime tradicionale shqiptare. Ambienti është i qetë, rural dhe i përkryer për të kaluar një ditë të plotë relaksi në natyrë.
🍷 Mos e humbisni: Një gotë verë e kuqe e shoqëruar me mish të furrës dhe perime të sapo mbledhura, thjesht shije e pastër shqiptare.
3. Kantina Arbëri
📍 Vendndodhja: Në Google Maps
📞 Telefoni: +355 69 443 3773
📸 Instagram: @kantina_arberi
🕒 Orari: E hapur çdo ditë me rezervim paraprak
🪑 Opsione shërbimi: Degustim · Restorant tradicional · Ambient për evente
E përshtatshme për: Grupi miqsh, dashamirës të verës veriore dhe eksplorues të kulinarisë së Mirditës
Kantina Arbëri është krenaria e veriut dhe një nga kantinat më të mëdha në këtë rajon. E ndërtuar me arkitekturë që frymëzohet nga kullat tradicionale mirditore, ajo ofron një përvojë që bashkon shijen e verës me historinë dhe trashëgiminë kulturore. Familja Kaçorri kultivon varietete autoktone si Shesh i Zi, Shesh i Bardhë, Kallmet dhe rrushin e rrallë Cëruja.
Vizitorët mund të shëtisin në vreshta, të eksplorojnë ambientet e prodhimit dhe të shijojnë verëra të cilësisë së lartë në bodrumin karakteristik. Në restorantin e kantinës shërbehen gatime tradicionale të zonës, duke e kthyer vizitën në një festë për shijet dhe shqisat.
🍷 Mos e humbisni: Një gotë Kallmet Prestige e shoqëruar me pjatat tradicionale të Mirditës, një simfoni veriore në çdo kafshatë.
4. Kantina Belba
📍 Vendndodhja: Në Google Maps
📞 Telefoni: +355 68 401 1136
📸 Instagram: @kantinabelba
🕒 Orari: Me rezervim paraprak
🪑 Opsione shërbimi: Degustim · Ambient urban · Evente private
E përshtatshme për: Vizitorë që kërkojnë shije të mira pranë Tiranës, dhe adhurues të qasjes moderne ndaj verës.
Vetëm pak kilometra nga Tirana, Kantina Belba ofron një përvojë të rafinuar me një prekje bashkëkohore. Themeluar nga Fatbardh Belba pas përvojës në vreshtat e Italisë, kjo kantinë bashkon përvojën ndërkombëtare me teknikat më të avancuara të prodhimit të verës në Shqipëri.Sheshi i Zi, Merlot dhe Chardonnay janë ndër verërat që përfaqësojnë më së miri stilin e Belbës.
Ambientet janë të lehtësisht të aksesueshme dhe të përshtatura për degustime intime apo organizimin e eventeve të vogla. Me mikpritje të ngrohtë dhe përkujdesje për detajet, Kantina Belba është një zgjedhje perfekte për ata që duan të shijojnë verën shqiptare pa u larguar shumë nga qyteti.
🍷 Mos e humbisni: Një gotë Chardonnay të freskët në verë, elegante, e lehtë dhe me aroma mesdhetare.
5. Kantina Çobo
📍 Vendndodhja: Në Google Maps
📞 Telefoni: +355 67 407 0562 (kontrolloni për numrin zyrtar)
📸 Instagram: @cobowinery
🕒 Orari: Me rezervim paraprak
🪑 Opsione shërbimi: Degustim · Tur guiduar · Ushqime tradicionale
E përshtatshme për: Adhuruesit e historisë, verës artizanale dhe përvoja autentike shqiptare
Pas viteve ’90, Kantina Çobo u bë një nga pionieret e verarisë moderne në Shqipëri. E ndërtuar mbi një traditë familjare shekullore, ajo ndërthur trashëgiminë e zonës së Beratit me standarde bashkëkohore, duke ofruar një eksperiencë unike për vizitorët. Vizita përfshin një shëtitje në bodrumin e kantinës, ku rrëfehet historia e familjes Çobo dhe procesi i verifikimit të rrushit.
Verërat si “Sheshi i Zi” apo “E Kuqja e Beratit” janë të shoqëruara me djathëra vendas, ullinj dhe produkte tipike që plotësojnë përvojën e degustimit. Ambienti është i qetë, i ngrohtë dhe i përshtatshëm për çifte, grupe miqsh apo familje.
🍷 Mos e humbisni: Një gotë “Sheshi i Zi” me trup të plotë dhe aromë karakteristike, që i flet shpirtit të Beratit.
6. Kantina Duka
📍 Vendndodhja: Në Google Maps
📞 Telefoni: +355 68 901 1222
📸 Instagram: @kantinaduka
🕒 Orari: E hapur çdo ditë, me rezervim të rekomanduar
🪑 Opsione shërbimi: Degustim · Restorant gourmet · Aktivitete në natyrë
E përshtatshme për: Çifte, familje dhe të apasionuar pas verës që duan edhe pak aventurë
Kantina Duka ndodhet në një nga vendet më të bukura të bregdetit shqiptar, pranë Gjirit të Lalzit. E rrethuar nga vreshta dhe një liqen piktoresk, kjo kantinë ofron më shumë se thjesht një degustim vere, një përvojë e plotë që përfshin ushqim gourmet, aktivitete në natyrë dhe pamje që të lënë pa fjalë.
Pas turit të vreshtave dhe ambientit të prodhimit, vizitorët mund të shijojnë një drekë buzë liqenit, të provojnë verërat e shtëpisë dhe më pas të bëjnë kayak ose pedalo mbi ujë. Është një destinacion i përsosur për një ditë të plotë pushimi vetëm 40 minuta larg Tiranës.
🍷 Mos e humbisni: Raviolit me tartuf dhe një gotë verë të bardhë Duka një kombinim mes elegancës dhe natyrës.
7. Ferma & Kantina Dukat
📍 Vendndodhja: Në Google Maps
📞 Telefoni: +355 69 565 2112
📸 Instagram: @kantinadukati
🕒 Orari: Me rezervim paraprak
🪑 Opsione shërbimi: Degustim · Restorant tradicional · Akomodim & aktivitete bujqësore
E përshtatshme për: Udhëtarë që duan një kombinim mes pushimit, verës dhe kulturës lokale
E vendosur mes maleve dhe detit, në hyrje të Llogarasë, Ferma Dukat është më shumë se një kantinë, një destinacion i plotë agroturistik. Përveç verës dhe rakisë artizanale, këtu kultivohen edhe ullinj, shegë, agrume dhe një shumëllojshmëri produktesh bio.
Vizitorët mund të shëtisin në fermë, të marrin pjesë në vjeljen sezonale të frutave, të shijojnë një vakt të ngrohtë me receta tradicionale të Labërisë dhe natyrisht, të provojnë verërat lokale. Ambienti është ideal për një qëndrim të qetë në fshat, larg zhurmës urbane dhe pranë plazheve të Rivierës.
🍷 Mos e humbisni: Një gotë raki rrushi pas një dreke labërie një përvojë që i qëndron në mendje dhe në shije.
8. Kantina Kallmeti
📍 Vendndodhja: Në Google Maps
📞 Telefoni: +355 68 203 5892
📸 Instagram: @kantinakallmeti
🕒 Orari: Çdo ditë, 09:00 – 18:00 (për grupe, kërkohet njoftim paraprak)
🪑 Opsione shërbimi: Degustim · Vizitë në bodrum · Fabrikë vaji ulliri
E përshtatshme për: Dashamirët e verës autentike dhe ata që eksplorojnë veriun e Shqipërisë
Kantina Kallmeti është zemra e verës në veri të Shqipërisë dhe mban emrin e njërit prej varieteteve më të vlerësuar vendës, Kallmet. E vendosur mes kodrave të Lezhës, kjo kantinë ofron një eksperiencë të plotë me vizitë në ambientet e prodhimit të verës dhe të vajit të ullirit.
Degustimet janë të organizuara me kujdes dhe shpesh shoqërohen me shpjegime profesionale për karakteristikat e çdo varieteti. “Kallmet Prestige” është një nga më të njohurat dhe më të vlerësuarat në treg. Ambienti mikpritës dhe pamja e bukur e bëjnë këtë ndalesë një nga më të preferuarat në veri.
🍷 Mos e humbisni: Një gotë Kallmet të kuqe, të pjekur në fuçi lisi, një shije që mbart karakterin e tokës së veriut.
9. Kantina Nurellari
📍 Vendndodhja: Në Google Maps
📞 Telefoni: +355 69 513 6326
📸 Instagram: @nurellari_winery
🕒 Orari: Me rezervim paraprak
🪑 Opsione shërbimi: Degustim · Bujtinë · Restorant me produkte lokale
E përshtatshme për: Çifte, udhëtarë që kërkojnë qetësi, elegancë dhe autenticitet beratas
E fshehur në fshatin Fushë-Peshtan, Kantina Nurellari është një perlë e vërtetë për ata që duan të shijojnë verën në një atmosferë të qetë dhe tradicionale. Kantina menaxhohet nga familja Nurellari dhe përveç verërave të përzgjedhura, ofron akomodim në një bujtinë të rehatshme me mëngjese të përgatitura në shtëpi.
Verërat si “Montemeca” dhe “Pulsi” janë ndër më të vlerësuarat nga vizitorët, ndërsa ambienti përreth është i rrethuar nga vreshta dhe kodra të buta. Kjo është një eksperiencë që ngadalëson kohën dhe të lejon të ndjesh çdo aromë dhe shije të vendit.
🍷 Mos e humbisni: Një natë në bujtinë me mëngjes shtëpie dhe një gotë “Pulsi” për darkë e thjeshtë, por e paharrueshme.
10. Kantina Pupa
📍 Vendndodhja: Në Google Maps
📞 Telefoni: +355 69 260 0888
📸 Instagram: @pupawinery
🕒 Orari: Me rezervim paraprak
🪑 Opsione shërbimi: Degustim · Tarracë panoramike · Bujtinë & restorant
E përshtatshme për: Udhëtarë që kërkojnë një përvojë të plotë – verë, natyrë dhe ushqim tradicional
Kantina Pupa është një destinacion i përkryer për të shijuar jo vetëm verën, por edhe pamjen e mrekullueshme të malit të Tomorrit. E vendosur në një zonë të begatë në Fushë-Peshtan, kjo kantinë ofron verëra me varietete autoktone si Puls, Serinë dhe Birvol, emra të rrallë që nuk i gjeni kudo.
Vizitorët përfshihen në një tur të ambientit të kantinës, dëgjojnë historinë e familjes Pupa dhe më pas shijojnë verërat në një tarracë me pamje panoramike. Pasi të keni provuar verën, mund të qëndroni për një drekë tradicionale ose të kaloni natën në bujtinë.
🍷 Mos e humbisni: Një gotë Puls e shërbyer në tarracën me pamje nga mali, një përjetim që mbetet gjatë në kujtesë.
❓ Pyetje të shpeshta rreth kantinave të verës në Shqipëri
- Cilat janë kantinat më afër Tiranës?
Kantina Duka dhe Kantina Belba janë më të afërta me Tiranën dhe shumë të përshtatshme për vizita ditore. - Cila është koha më e mirë për të vizituar kantinat e verës në Shqipëri?
Koha ideale është nga prilli deri në tetor, kur vreshtat janë në lulëzim dhe shumë kantina ofrojnë ture dhe aktivitete në natyrë. - A mund të vizitojmë kantinat pa rezervim?
Jo gjithmonë. Shumica e kantinave kërkojnë rezervim paraprak, sidomos gjatë fundjavave ose sezonit të verës. - A ofrojnë kantinat ushqim tradicional?
Po. Shumë kantina kanë restorante që shërbejnë gatime lokale të përgatitura me produkte të zonës. - A ka mundësi akomodimi në kantinat shqiptare?
Po. Disa kantina si Alpeta, Nurellari dhe Dukat ofrojnë edhe bujtina për qëndrime të qeta dhe autentike.
Fundi i udhëtimit, por jo i shijes
Nga kodrat e Lezhës në kantinat familjare të Beratit dhe peizazhet mesdhetare të Vlorës e Durrësit, kantinat shqiptare janë më shumë sesa vende ku pihet verë ato janë eksperienca që ndërthuren me kulturën, mikpritjen dhe shijen vendase.
Nëse po planifikoni udhëtimin tuaj në Shqipëri ose thjesht kërkoni ide të reja për fundjavën, kemi përgatitur edhe shumë sugjerime të tjera për përvoja autentike në të gjithë vendin.
🌐 Vizitoni faqen tonë për më shumë destinacione unike:
👉 www.lovealbania.al
