Shqipëria po kthehet në një nga destinacionet më të preferuara të kampistëve në Europë, falë natyrës së saj të paprekur, mikpritjes së ngrohtë dhe kulturës së pasur. Nëse planifikoni një udhëtim me camper ose një pushim të qetë nën yje, ky udhëzues me 5 kampingjet më të mira në Shqipëri do t’ju ndihmojë të gjeni vendin ideal. Më poshtë janë 5 kampingjet më të vlerësuara per vitin 2024 në Google dhe Trip Advisor, të renditura nga vendi i pestë deri te kampingu më i mirë.
#5 River Side Camping – Berat
📍 Vendndodhja | 📞 069 782 2888 | Instagram
Rating by Love Albania (4.8/5)
I pozicionuar vetëm pak minuta larg qendrës historike të Beratit, River Side Camping është një vend i qetë dhe i gjelbër që kombinon rehatinë me mundësinë për të zbuluar historinë e qytetit të “një mijë dritareve”.
Pse është në listën e kampingjeve më të mira në Shqipëri?
- Tualete dhe dushe shumë të pastra.
- Hije natyrale nga pemët frutore dhe spote me energji elektrike.
- Mikpritje e ngrohtë me fruta të freskëta nga kopshti.
- Shumë pranë kalasë së Beratit dhe lagjes Mangalem.
Shënim: Mund të ndjeni pak zhurmë nga rruga gjatë ditës, por netët janë të qeta dhe të këndshme.
#4 Camping “The Castle of Berat” – Berat
📍 Vendndodhja | 📞 068 520 4000 | Instagram
Rating by Love Albania (4.9/5)
Ky kamping është perfekt për ata që duan të ndihen më pranë historisë dhe trashëgimisë kulturore të Beratit. E pozicionuar afër kalasë, kjo është një ndalesë ideale për eksploruesit që kërkojnë qetësi dhe autenticitet.
Pse hyn në kampingjet më të mira në Shqipëri?
- Vetëm 20 minuta në këmbë nga Kalaja e Beratit.
- Gatime tradicionale shqiptare të përgatitura nga zonja e shtëpisë.
- Spote kampingu të bollshme me tavolina pikniku dhe hije.
- Romeo, pronari, ofron edhe shërbim taksie drejt qytetit.
Kujdes: Në sezon të lartë, mund të ketë radhe për dushe, por gjithmonë janë shumë të pastra dhe të mirëmbajtura.
#3 SCOTURK – Durrës
📍 Vendndodhja | 📞 069 537 5958 | Instagram
Rating by Love Albania (4.9/5)
SCOTURK është një kamping i vogël dhe mikpritës pranë plazheve të Durrësit, i drejtuar nga çifti simpatik Matt dhe Muge. Është një vend i përkryer për ata që kërkojnë relaks pranë detit dhe një atmosferë të ngrohtë familjare.
Çfarë e bën unik?
- Afër një plazhi me shtrirje të gjatë 12 km dhe restoranteve lokale.
- Tarracë me pamje fantastike nga deti.
- Ambient i gjelbëruar me hardhi rrushi dhe dushe shumë të pastra.
- Ëmbëlsira dhe kafe turke të përgatitura nga pritësit.
Këshillë: Kontrolloni për flamurin e kuq në hyrje, pasi ka kampingje pranë që mund të duken të ngjashme.
#2 Berat Caravan Camping – Berat
📍 Vendndodhja | 📞 069 875 6409 | Instagram
Rating by Love Albania (5.0/5)
Nëse flasim për kampingjet më të mira në Shqipëri, Berat Caravan Camping nuk mund të mungojë. Ky kamping është një kombinim perfekt i rehatisë dhe traditës, me ushqime të shijshme dhe ambiente të pastra që i bëjnë vizitorët të ndihen si në shtëpi.
Pikat më të komentuara nga klientët:
- Kuzhinë tradicionale shqiptare me pjata si fërgesë dhe vaj ulliri të prodhuar vetë.
- Dushe dhe lavanderi shumë të pastra.
- Pritje me kafe të ftohtë ose verë të bërë në shtëpi.
- Vetëm pak minuta larg qendrës së Beratit dhe kanionit të Osumit.
Shënim: Disa vizitorë kanë përmendur një zhurmë të lehtë gjatë ditës nga një punishte afër, por nata është e qetë.
#1 Agro Camping Harmony – Berat
📍 Vendndodhja | 📞 069 306 0573 | Instagram | Website | ✉️ contact@agrocampingharmony.com
Rating by Love Albania (5.0/5)
Kampi më i mirë në këtë klasifikim të kampingjeve më të mira në Shqipëri është Agro Camping Harmony. E vendosur mes vreshtave dhe ullishteve, ky oaz i vogël jashtë Beratit është vendi i përsosur për qetësi dhe mikpritje shqiptare.
Pse është kampingu #1 sipas komenteve të klientëve?
- Pritje me fruta të freskëta si fiq e rrush direkt nga kopshti.
- Dushe shumë të pastra, zona me hije dhe kuzhinë e përbashkët.
- Ushqime tradicionale si petulla dhe patëllxhan i mbushur.
- Shërbim transporti drejt kalasë dhe qytetit të vjetër të Beratit.
Vërejtje: Disa vizitorë kanë sugjeruar përmirësime të lehta në sanitare, por pastërtia është gjithmonë maksimale.
Pse këto janë kampingjet më të mira në Shqipëri?
Çdo një nga këto kampingje nuk ofron vetëm akomodim, por edhe një përvojë autentike shqiptare. Nga bregdeti i Durrësit tek historia e Beratit, këto destinacione përfaqësojnë mikpritjen dhe natyrën e mrekullueshme të Shqipërisë.
Nëse kërkoni kampingjet më të mira në Shqipëri, këto pesë vende janë një nisje e shkëlqyer për udhëtimin tuaj.
Pasi të relaksoheni, eksploroni dhe shijet tradicionale të qytetit! Lexoni klasifkimin tonë për 5 Restorantet më të mira tradicionale në Berat dhe zbuloni ku të provoni ushqimin më autentik shqiptar në qytet.
