Nëse keni vendosur të kaloni pushimet në Himarë, një nga thesaret më të bukura të rivierës shqiptare, ka shumë mundësi që mes plazheve të kristalta dhe rrugicave prej guri, do të ndesheni me një tjetër magji: beach bars. Këto oaze buzë detit nuk janë thjesht vende ku pihet një koktej, por janë përvoja të vërteta mesdhetare, ku relaksi takon muzikën, pamja bashkohet me shijen dhe koha ngadalësohet për të shijuar çdo moment.
Në këtë guidë kemi përzgjedhur disa nga beach bars më të dashura dhe më të rekomanduara në Himarë, nga ato me atmosferë “boho-chic”, deri te ato që jetojnë për ritmin e festës. Gati të zbuloni vendet ku vera shijohet më mirë, me pamje nga deti dhe një koktej në dorë?
Pse të zgjidhni beach bare në Himarë?
Beach bare-t në Himarë nuk janë thjesht ndalesa për një pije, janë pjesë e pandashme e mënyrës si pushoni këtu. Me ujëra të kristalta përpara, muzikë të qetë në sfond dhe një përzierje të shijshme mes stilit vendas dhe mesdhetar, këto vende ju ftojnë të ndaleni, të merrni frymë dhe të shijoni çdo moment të ditës. Qoftë për një mëngjes të lehtë me pamje nga deti, apo për një perëndim të paharrueshëm me koktejl në dorë dhe biseda të gjata mes miqsh, atmosfera që ofrojnë është gjithmonë natyrshme, e ngrohtë dhe çlodhëse.
Për ju që kërkoni diçka më shumë se një karrige plazhi, këto beach bare janë vendtakime të përkryera për të përjetuar ritmin veror të Himarës.
ASTRO Brunch & Cocktail Bar
Vendndodhja: Në zonën qendrore të Himarës, shumë pranë bregut.
Atmosfera: Modern, elegant dhe plot stil, ASTRO kombinon hijshëm elementët e një bistroje urbane me ndjesinë e relaksit bregdetar. E përkryer për mëngjes, brunch apo një darkë të lehtë me koktej, ky vend të fton të ndalosh dhe të shijosh çdo detaj.
Shërbimet: Menu e pasur me mëngjese dhe brunch (avocado toast, omeletë, kafe artizanale), koktejle kreative dhe të kuruara, muzikë ambientale dhe shërbim të personalizuar. Ideale për një takim në mes të ditës apo një darkë të relaksuar pranë detit.
Vlerësime/komente: Vizitorët e lavdërojnë si një nga ambientet më të stilizuara dhe të përkushtuara në qytet. Një koment që bie shpesh në sy: “Përzierja perfekte e ushqimit, pijeve dhe pamjes – ASTRO është thjesht klas.”
Link: @astrohimare
BOHO Livadh Beach Bar
Vendndodhja: Në plazhin e Livadhit, disa minuta me makinë nga qendra e Himarës.
Atmosfera: BOHO të fton në një atmosferë të butë dhe të ngrohtë, ku natyra, estetika dhe qetësia bashkohen në harmoni – një vend i dizajnuar me kujdes për ata që kërkojnë më shumë se thjesht një pushim në plazh. Dekor i ndikuar nga natyra, strukturë druri dhe tekstile të buta krijojnë një ndjesi relaksi që të mbërthen sapo hyn.
Shërbimet: Vende relaksi me çadra elegante dhe shtretër plazhi të rehatshëm, pije tropikale, snacks të freskëta, DJ në mbrëmje dhe evente të vogla që pasurojnë përvojën. Është një nga ato vende ku një ditë në plazh shndërrohet lehtësisht në një mbrëmje magjike me muzikë dhe shije.
Vlerësime/komente: Përdoruesit e përshkruajnë si “një nga vendet më të bukura vizualisht në rivierë.” Një koment i veçantë: “Boho është pa dyshim një arratisje perfekte, çdo cep është i kuruar, dhe ndjesia që të jep është si të jesh në një ëndërr verore.”
Link: @bohobar_livadh
FAVELA Beach Bar & Restaurant
Vendndodhja: Në plazhin e Jalës, rreth 20 minuta me makinë nga Himara.
Atmosfera: Tropikale dhe plot energji, FAVELA është një nga ato vende që të “ndezin” sapo i afrohesh. Ngjyra të gjalla, muzikë gjatë gjithë ditës dhe një vibe festash që e bën çdo vizitë të ndjehet si një mini-event. Një miks mes plazhit dhe klubit, për ata që kërkojnë verën në versionin më të gjallë të saj.
Shërbimet: Lounge mbi rërë, DJ në fundjavë, koktejle me shije të forta e tropikale, si dhe kuzhinë mesdhetare me pjatanca të përbashkëta, ideale për t’u ndarë me miqtë. Ambienti është i hapur dhe i gjallë, me mundësi për drekë, koktejl ose një darkë spontane nën ritmet e verës.
Vlerësime/komente: Të rinjtë e vlerësojnë si një nga vendet më energjike në rivierë. Një koment që përmbledh ndjesinë: “Një nga vendet më të gjalla për të shijuar verën me miqtë. Më shumë se një bar , një atmosferë që nuk harrohet.”
INVICTA Beach Bar
Vendndodhja: Në pjesën veriore të plazhit të qytetit të Himarës.
Atmosfera: Miqësore dhe e qetë, INVICTA është për ata që kërkojnë një pushim larg zhurmës, një ambient i ndërtuar me detaje rustike, që të jep ndjesinë e një vendi autentik buzë detit. Ideale për të kaluar disa orë relaksi nën hijen e çadrave dhe për të dëgjuar tingujt e valëve.
Shërbimet: Pije freskuese dhe koktejle klasike, snacks të lehta, shezlongë komodë dhe çadra për ditët me diell. Atmosfera është e qetë gjatë gjithë ditës dhe shërbimi njihet për mikpritjen e tij.
Vlerësime/komente: Komentet nga vizitorët janë shumë pozitive, shumica e theksojnë çmimet e drejta dhe ndjesinë relaksuese që të jep vendi. Një nga komentet tipike: “Shërbim i shkëlqyer dhe një ambient që të qetëson menjëherë.”
Link: invicta_beach_bar
LIDO Cocktail Bar (ndryshe i njohur si LIDO Beach Bar)
Vendndodhja: Bulevardi bregdetar i Himarës, me pamje të hapur nga deti.
Atmosfera: Elegancë e thjeshtë, atmosferë “smart lounge” – LIDO nuk ofron shezlonge në plazh, por bën përshtypje me seating komod urban dhe muzikë të qetë që plotëson ambientin pa e mbizotëruar. Është i përshtatshëm për ata që duan një vend më stil në vijë bregdetare, pa plazhin tradicional.
Shërbimet: Menu me koktejle të rafinuara, me Happy Hour çdo ditë pasdite (p.sh. mes orës 15:00-20:00) . Shërbim miqësor dhe i hijshëm, ambient i brendshëm dhe i jashtëm, plus Wi‑Fi dhe muzikë lounge.
Vlerësime/komente: Vizitorët vlerësojnë vendndodhjen panoramike dhe atmosferën e rehatshme. Një koment i përhapur: Një eksperiencë fantastike! Atmosfera ishte super – e qetë dhe mikpritëse… gjithçka nga pijet deri te shërbimi ishte në nivel të lartë.”
Link: @lidoloungehimare
MOJO Cocktail Bar
Vendndodhja: Bulevardi bregdetar në qendër të Himarës, përballë vijës detare.
Atmosfera: Urban-lounge dhe me pamje panoramike – MOJO është ai lloj vendi ku dita përfundon me drita të buta, muzikë elektrizuese dhe një koktej në dorë. Shumë popullor në mbrëmje, sidomos për çifte dhe grupe miqsh që duan të shijojnë natën me stil.
Shërbimet: Menu kreative koktejlesh që përfshin pije si Martini apo Twilight, Happy Hour pasdite, ambient i brendshëm me ajër të kondicionuar dhe verandë e hapur që sheh nga deti. Shërbimi është i kujdesshëm dhe shpesh stafi sugjeron pijen perfekte bazuar në shijen tuaj.
Vlerësime/komente: Përdoruesit e përshkruajnë si “vend perfekt për pas darke”, ku cilësia e koktejve dhe atmosfera shkojnë dorë për dore. Një koment i zakonshëm: “Koktejle të mrekullueshme dhe pamje që nuk lodh, e duam MOJO-n çdo verë!”
Link: @mojo.himara
Mumbas Beach Club
Vendndodhja: Në plazhin e Llamanit, në pjesën jugore të Himarës
Atmosfera: Një miks perfekt mes relaksit dhe stilit. Mumbas ofron një skenë bregdetare që të tërheq menjëherë, me bean bags shumëngjyrëshe, palma dekorative dhe muzikë chill që pasqyron ritmin e një dite pa stres. Ideal për ata që kërkojnë një ambient të qetë, por jo të mërzitshëm.
Shërbimet: Koktejle të rafinuara (provo “Mumbas Special”), shezlongë të rehatshëm, kuzhinë me tapas dhe pjatanca të lehta, Wi-Fi, si dhe evente të herëpashershme me DJ lokalë. Shërbimi është miqësor dhe gjithmonë i gatshëm t’ju sugjerojë diçka të re.
Vlerësime/komente: Vizitorët e përshkruajnë si një “vend ku koha ndalon” dhe e vlerësojnë për kombinimin e atmosferës, shërbimit dhe cilësisë së koktejve. Një koment tipik: “Ujërat e kristalta, një Mojito në dorë dhe muzika në sfond, çfarë tjetër mund të kërkosh?”
Link: mumbas.summer.club
NAMOS Beach Bar
Vendndodhja: Në zonën e Potamit, Himarë – buzë një gjiri të qetë me ujë të kristaltë dhe mjedis natyror.
Atmosfera: Një “hidden gem” i rivierës shqiptare – NAMOS ofron një përvojë të rafinuar por të qetë, larg zhurmës së plazheve të mbipopulluara. Nuk është vend për festa të zhurmshme, por për ditë relaksi me stil, në një ambient të kuruar deri në detaj.
Shërbimet: Bar elegant me koktejle të shijshme, ushqim cilësor dhe pamje magjepsëse drejt Jonit. Ofrohen shezlongë dhe çadra buzë detit, ambient i pastër dhe staf mikpritës. Ideal për pushues që kërkojnë qetësi, pastërti dhe shije të mirë.
Vlerësime/komente: Vizitorët e përshkruajnë si një përvojë të kompletuar mes relaksit dhe shërbimit cilësor. Komente të shpeshta:
“Ushqim i mrekullueshëm, koktejle fantastike, atmosferë pozitive dhe pamje të bukur nga deti – vendi ynë i preferuar në Himarë!”
“Nëse kërkoni një eksperiencë të qetë në plazhin e Himarës, ju rekomandojmë me zemër NAMOS Beach.”
Link: @namosbeach
VARKA Beach Bar
Vendndodhja: Plazhi i Potamit, në pjesën jugore të qytetit të Himarës.
Atmosfera: Relaks dhe thjeshtësi me stil, VARKA është vendi ku dita nis ngadalë dhe përfundon me një pamje magjike të perëndimit. Me jastëkë në rërë, tavolina druri dhe drita të ngrohta ambientale, krijon një ndjesi boheme dhe të qetë, të përkryer për ata që duan të largohen për pak nga ritmi i zhurmshëm.
Shërbimet: Koktejle të freskëta si Aperol Spritz apo Whiskey Sour, shezlongë të rehatshëm, muzikë lounge, Wi-Fi dhe staf mikpritës që flet anglisht. Bonus: në orët e para të mëngjesit, shpesh ofrohen shezlongë falas për ata që zgjohen herët.
Vlerësime/komente: Vlerësohet për atmosferën “boho” dhe për qetësinë që ofron. Një koment i shpeshtë nga vizitorët: “Një nga vendet më të bukura për të shijuar një koktej në Himarë, gjithmonë me pamje të mrekullueshme nga deti.”
Link: @varka_beach_bar
Këshilla Praktike për Vizitorët
- Provoni specialitetet lokale: Mos u mjaftoni vetëm me koktejlet klasike, shumë bare si MOJO apo MUMBAS kanë pije të veçanta që nuk gjenden diku tjetër.
- Shko herët për një vend të mirë: Në beach bars më të njohura si Mumbas, BOHO apo NAMOS, shezlongët apo vendet më me hije zihen që në mëngjes. Nëse doni një përvojë të qetë, zgjidhni orët e para të ditës ose pas orës 17:00 kur nxehtësia bie.
- Rezervoni nëse jeni në grup: Për vendet që ofrojnë lounge me shërbim tavoline (si Favela, Mojo ose Astro), është ide e mirë të rezervoni përpara, sidomos gjatë fundjavës apo në muajt korrik-gusht.
- Mos harroni krem mbrojtës dhe syze dielli: Shumë prej këtyre bareve janë buzë detit me ekspozim të drejtpërdrejtë ndaj diellit, kujdesuni për veten gjatë qëndrimit të gjatë nën rreze.
- Pyesni për eventet: Disa prej bareve, si BOHO, Favela dhe LIDO, organizojnë DJ sets, netë verore me temë apo live music. Shikoni faqet e tyre në Instagram për të mos humbur diçka interesante.
Ku do të shijoni verën tuaj në Himarë?
Me kaq shumë beach bars që ofrojnë gjithçka, nga relaksi total deri te festa me miqtë, Himara është gati të jetë skena e kujtimeve tuaja më të bukura të verës. Çfarë mbetet? Vetëm të zgjidhni vendin tuaj të preferuar, të porosisni koktejlin që ju shkon më shumë dhe të lini ritmin e detit t’ju udhëheqë.
👉 Mos harroni të ndani këtë artikull me miqtë tuaj dhe për një përvojë të plotë pushimi, ju sugjerojmë të hidhni një sy edhe tek:
Verë të mbarë dhe gëzuar nga LoveAlbania! 🥂
